شيري عادل: ننفصل أحسن ما نكمل وإحنا مش سعداء.. ومينفعش أمنع الجمهور عن حياتي الشخصية
كشفت الفنانة شيري عادل الكثير من التفاصيل عن حياتها الشخصية، وأيضًا عن فترة انفصالها مشيرة إلى أن الانفصال قسمة ونصيب ولا يوجد دخل للإنسان به، بالإضافة إلى الحديث عن نشأتها وسط أسرتها، والصعوبات التي تواجه الفنان في العمل.
-محستش بـ تغيير في حياتي بعد الانفصال، وبشوف إنه قسمة ونصيب والإنسان مالهوش دخل فيها، والناس أحسن تخرج بالمعروف.
-الانفصال أفضل من أنك تكمل في شكل اجتماعي وأنت مش سعيد، وعمري ما اعترضت على أقدار ربنا.
-طيبتي متخلنيش أدي فرصة تانية لأي شخص ومستحيل أعمل كده، وأنا مش بؤمن بالمستحيل في حياتي، ولكن شخصيتي ماتديش فرصة تانية.
-بحب الفن ومرتبطه بيه جدًا من وأنا صغيرة والقصص والورق والدراما وإنني أعيش شخصية حاجة بنتمي إليها.
-نشأتي وسط أهلي وصحابي في المدرسة أهم شيء في حياتي، ولسه مرتبطين ببعض زي الأخوات.
-مامتي كانت أقرب ليا من بابا ولكن هو أغلى حاجة وأول بطل في حياتي وهو عنده قصص لكل العالم.
-بحس بنعمة إني عديت فترة وفاة والدي ومن كتر الحزن نسيت الفترة دي وأنا الصدمة بالنسبالي كانت وحشة.
-والدي كان رافض فكرة تمثيلي بشكل نهائي، وقال لي أنا ضد الفكرة بس أنا أصريت وماما وقفت جمبي ولما بدأت هو قالي أنا فخور بيكي.
شيري عادل
-بقول لبابا وحشتني والدنيا من غيرك مالهاش طعم.
-مش بعرف أواجه الشخص لو زعلني، وعيبي إني عصبية وبستحمل كتير وبنفجر مرة واحدة.
-بفتخر بوجودي وبحمد ربنا وعمري ما حسيت إن حد واخد مكانتي، ولما بشوف حد بيدعم حد بقول الحمد لله إن في ناس بتحس.
-هنيدي وأحمد حلمي والسقا وعادل إمام أكتر فنانين حبيت التعامل معاهم.
- مينفعش أقول مش عاوزة حد يتكلم عن حياتي الشخصية وإني آخد مساحتي ما دام أنا مهنتي ملك الجمهور.
-صعوبات الفن كتير زي مثلًا ممكن نلبس شتاء في الصيف والعكس ودا بيأثر على الفنان وبنحاول نعالج ده لما الشخص بيروح بيته.
