قال جمال مفتاح شقيق المجني عليه في حادث مطرب المهرجانات عصام صاصا، والذي وقع أعلى الطريق الدائري بالجيزة، إنه على قدر خبرته لعمله كسائق نقل، فإنه ليس من المنطقي أن مطرب المهرجانات كان يسير على سرعة 70 كم أثناء وقوع الحادث، مثلما قال أمام جهات التحقيق.

ضحية حادث عصام صاصا

وتابع شقيق ضحية حادث عصام صاصا: مستحيل عصام صاصا كان بيسوق على سرعة 70 كم.. أنا سواق نقل وعارف كل حاجة ولو كان ماشي على السرعة دي زي ما بيقول مستحيل الحادث كان يحصل بالشكل ده.

وأضاف أن مطرب المهرجانات عصام صاصا كان يسير بسرعة جنونية على الطريق الدائري، لذلك اصطدم بشقيقه أثناء عبوره الطريق وتسبب في وفاته، قائلًا: أنا شوفت العربية وبخبرتي بقول إنه كان ماشي على سرعة 150 كم أو أكتر كمان.

واستكمل شقيق ضحية حادث عصام صاصا: لو مكنش قادر ينام زي ما بيقول وإنه تعبان من بعد الحادث مكنش هيروح يغني وهو لسه ماسح الأسفلت بأخويا.. محدش حاسس بينا ولا مقدر اللي إحنا فيه.. والناس كلها بتتكلم في الفلوس طب رجعوا أخويا وخدوا كل اللي عاوزينه.

وأشار إلى أن شقيقه الراحل كان بمثابة سندًا له في الحياة، حيث أنه لا يستطيع حتى الآن أن يتحمل صدمة وفاة شقيقه إثر تعرضه إلى هذا الحادث المؤسف على يد مطرب المهرجانات عصام صاصا.