اعترافات محرض قاتل صغير شبرا الخيمة: ارتبطت بـ9 بنات.. وأمي أقرب شخص لي| بث مباشر
كشفت تحقيقات النيابة العامة في قضية مقتل صغير شبرا الخيمة - جريمة الـ دارك ويب - اعترافات مثيرة للمتهم الثاني وهو محرض المتهم الأول على إنهاء حياة المجني عليه أحمد، المعروف بـ طفل شبرا؛ وذلك من أجل سرقة أعضائه وبيعها.
اعترافات محرض قاتل صغير شبرا الخيمة
وقال محرض قاتل صغير شبرا الخيمة: أقرب شخص ليا هي أمي عشان حنينة وطيبة وبتحسسني بالأمان وبحكيلها كل حاجة عني.. ما عدا طبعًا قصة الفيديوهات العنيفة الـ Gory Videos.. لأني كنت عارف أنها حاجة عميقة جوايا محدش هيفهمها.. وأما أبويا فـ أنا بحبه طبعًا.. وعمري ما اتعرضت لأي ضرب أو عنف من أهلي لأنهم طيبين وحنينين جدًا.
وأضاف: من وقت ما اتولدت أبويا جابنا الكويت على طول وكنا بننزل مصر كل سنة.. أنا في الصف الثالث الإعدادي بمدرسة مودرن أكاديمي في الكويت.. وخلال فترة دراستي معرفتش أي حاجة عن تشريح الحيوانات غير أنهم السنة اللي فاتت ورونا فيديوهات التشريح لضفادع.. وقتها كانت عادية محسستنيش بأي حاجة.
وتابع محرض قاتل صغير شبرا الخيمة: عمري ما فكرت أقول لأي حد من صحابي حاجة بخصوص الفيديوهات العنيفة دي عشان كنت عايز يبقى الموضوع خاص بيا أنا وبس ومش أي حد هيفهمها.. وكان عندي صديقات سابقات كثير حوالي 9 بس دايمًا على سبيل الهزار والخروج واللعب.. مافيش حاجة جد غير بنت اسمها حلا أنا على علاقة بيها دلوقتي ومحصلش بينا تبادل لعلاقة جنسية.. أنا بحب البنات بعطف بس جنسيًا مش زي ما أنا عايز.. بحس إن جنسيًا فيه حاجة مش مظبوطة.
واستكمل: أنا مسلم بس من جوا بتصيبني شكوك كتير في وجود ربنا وتقبل نشأة الكون من العدم.. وأنا بفكر على طول في فكرة البعث بعد الوفاة.